مێژووه‌ ڕه‌شه‌که‌ی تاڵه‌بانی

دوای ڕێکه‌وتنامه‌ شوومه‌که‌ی جه‌زائیرو ئاشبه‌تاڵه‌ ئابڕوو به‌ره‌که‌ی بنه‌ماڵه‌ی به‌رزانی،بوونی پارتێک یا ڕێکخراوێک بۆ زندوو کردنه‌وه‌ی شۆڕش له‌ دژی ڕژێمی به‌عس زه‌روره‌تێکی مێژووی بوو.باشتر بلێم دروست بوونی ی.ن.ک هیوایه‌کی تازه‌ی به‌ کورد به‌خشی و ترسی خسته‌ دڵی دوژمنان وسه‌لماندی که‌ کورد هێشتا هێزی ماوه‌و توانای به‌رگری کردنی هه‌یه‌.جلال تاله‌بانی‌بوو‌ به‌ سکرتێری گشتی ی.ن.ک. جه‌لال هه‌ر له‌ سه‌ره‌تاوه که‌سێ نه‌بووه‌ بیروباوه‌ڕو هه‌ڵوێستێکی دیاری کراوی هه‌بووبێ،به‌ڵکو له‌گه‌ڵ هه‌ر که‌سێ گفتووگۆی کردبێ ماستاوی بۆ کردووه‌ و هاوهه‌ڵوێست بووه‌ له‌گه‌ڵی.ئه‌گه‌رچی خۆشی وه‌ک که‌سێکی علمانی ده‌رخستووه‌ به‌ڵام دایمه‌ نۆکه‌ری بۆ رژێمی ئێران کردووه‌. سه‌ره‌تا به‌رگری له‌ کێشه‌ی فه‌له‌ستین ئه‌کرد و دژی ئه‌مریکاو ئیسرائیل بوو،به‌ڵام وه‌ک هه‌موومان به‌ چاوی خۆمان ئه‌بینین ئێستا چ به‌کرێ گیراوێکی ئه‌و دوو وڵاته‌یه.
‌
جه‌لال تاڵه‌بانی له‌ سه‌ره‌تای جیابوونه‌وه‌ی له‌ پارتی و بنه‌ماڵه‌ی به‌رزانی خۆی دوور ئه‌گرت له‌ شه‌ڕی بنه‌ماله‌،به‌ڵام بنه‌ماڵه‌ی به‌رزانی دوای ئاشبه‌تاڵه‌که‌ هه‌ڵسان به‌ دروست کردنی قیاده‌ موه‌قه‌ته‌و بۆ‌ کوشتن و بڕینی سه‌رکرده‌کانی ئه‌وسای ی.ن.ک و ترسی ئه‌وه‌یان هه‌بوو که‌ ئه‌و شۆڕشه‌ی ئه‌وان ئاشبه‌تالیان پێکردبوو جه‌لال بتوانێ سه‌ری بخات ئامانجیش لێی کۆسپ خستنه‌ به‌ر ده‌م شۆرشی نوێی گه‌ل بوو،چونکه‌ خۆیان وته‌نی ئه‌گه‌ر شۆڕشیمان پێ نه‌کرێ خۆ پمان تێکه‌درێ.

جه‌لال تاڵه‌بانی ناچاری ڕاگه‌یاندنی شه‌ڕ بوو له‌گه‌ڵ بنه‌ماڵه‌ی بارزانی و کوشتن و بریندار بوونی هه‌زاران که‌سی لێکه‌وته‌وه‌.
دوای ڕاپه‌رینی به‌هاری ساڵی ۱۹۹۱ و رزگار کردنی کوردستان له‌ ده‌ست رژێمی به‌عس کێشه‌و شه‌ڕ بۆ جارێکی تر له‌ نێوان ئه‌م دوو حیزبه‌ له‌سه‌ر ده‌سته‌ڵات و سه‌روه‌ت و سامانی دزراوی گه‌ل سه‌ریهه‌ڵدایه‌وه, له‌ ئه‌نجامدا زیاتر له‌ ده‌ هه‌زار که‌س کوژران،ئه‌مه‌ جگه‌ له‌ بریندار بوون و بێسه‌روشوێن بوون و ئاواره‌بوونی ده‌یان هه‌زاری تر.

جه‌لال تاله‌بانی له‌ مێژووه‌ ڕه‌شه‌که‌یدا به‌ که‌سێکی شه‌ڕخوازناسراوه‌، هیچ پارتێکی کوردی نه‌ماوه‌ شه‌ڕی له‌گه‌ڵ نه‌کردبێ و ئه‌و کاته‌ش که‌ به‌رژه‌وه‌ندیه‌که‌ی وای خواستبێ ئه‌وا ئاشتی له‌گه‌ڵ کردووه‌و هاوکاری کردووه‌.
دوای پڕۆسه‌ی رزگاری عێراق جه‌لال تاڵه‌بانی به‌پێی ڕێکه‌وتنێکی نێوان لایه‌نه‌ سیاسیه‌کان جه‌لال تاڵه‌بانی کرا به‌ سه‌رۆکی ته‌شریفاتی عێراق ،جه‌لال ته‌نیا له‌ پێناو به‌رژه‌وه‌ندی تایبه‌تی خۆی و بنه‌ماڵه‌که‌ی ئاماده‌ی سازشکردن بوو له‌ هه‌موو مافێکی کورد.ئه‌م به‌کرێگیراوه‌ ته‌نیا بۆ ئه‌وه‌ی له‌ میدیاکانه‌وا ناوی وه‌ک سه‌رۆک کۆمار بهێنرێت و وه‌ک سه‌رۆک کۆمار سه‌ردانی ووڵاتان بکات و پێشوازی له‌ میوانان بکات ئاماده‌ی سازشکردن بوو له‌سه‌ر که‌رکوک و ناوچه‌دابڕاوه‌کانی تر،ئاماده‌بوو به‌ گفتوگۆ کردن و گێرانه‌وه‌ی به‌عسیه‌کان بۆ ناو پڕۆسه‌ی سیاسی و سازشکردن بۆیان له‌سه‌ر حسابی کورد.

جه‌لال بێ گوێدانه‌ ئه‌و ڕوباره‌ خوێنه‌ی شه‌هیدانی حیزبه‌که‌ی که‌ به‌ده‌ستی پارتی ڕژا به‌ ئاشکراو زۆر بێشه‌رمانه‌ داوای لێبوردن له‌ مه‌لا مسته‌فا ئه‌کات که‌ کاتی خۆی لێی جیابۆته‌وه‌و یه‌کێتی دامه‌زراندووه‌.جه‌لال ۳۱ی ئابی بیر چوو که‌ مه‌سعود وه‌ک که‌وا سوری به‌ر له‌شکری به‌عس هه‌ولێری داگیرکردو هێزه‌کانی یه‌کێتی به‌ره‌و سنوره‌کانی ئێران ڕاونا.جه‌لال شه‌ڕی هه‌کاری بیرچوو که‌ سه‌دان پێشمه‌رگه‌ی حیزبه‌که‌ی به‌ ده‌ستی پارتی کوژران.که‌چی جه‌لال و مه‌سعود له‌سه‌ر ته‌له‌فزیۆن ئه‌لێن شه‌ڕی ناوخۆ هه‌له‌یه‌کی سیاسی بوو.نه‌فره‌ت له‌ خۆتان و له‌ هه‌له‌ سیاسیه‌که‌تان،ئه‌گه‌ر تۆزێ هه‌ستی نه‌ته‌وایه‌تیتان تیا بووایه‌ ئه‌بووایه‌ شه‌رمتان له‌و دایک و باوکانه‌ بکردایه‌ که‌ ڕۆله‌کانتان به‌ ناحه‌ق به‌ کوشتدان.ئه‌بووایه‌ به‌زه‌ییتان به‌و مناڵانه‌ بهاتایه‌ته‌وه‌ که‌ به‌ خۆڕا بێ باوکتان کردن.ئێستاش واباشه‌ هه‌رچی زووه‌ کوردستان جێبێڵن پێش ئه‌وه‌ی به‌ ده‌ستی سته‌م لێکراوان شاربه‌ده‌ر بکرێن.